""""........ भुंगा ......""": कविता :

प्रत्येकाच्या मनात किती तरी असे विचार असतात जे आपल्या मनात सतत धुमसत असतात काही नुसतेच रुंजी घालतात तर काही नुसतेच हेलकावे खात रहातात … खरं तर ते आपल्या मनात भूंग्या सारखे सतत भुन भुन करत असतात…! जे आपल्याला अस्वस्थ करतात …. तीच अस्वस्थता इथे कवितांच्या रुपात मांडण्याचा प्रयत्न … !!!!

सोमवार, २१ मार्च, २०१६

कविता :

भोवतालचं सोसणं
जेंव्हा असह्य होतं
नाती फाटत , तुटत
भावना उसवत जातात
तेंव्हा तूच येतेस ....
एक एक टाका घालत जातेस
सांधत जातेस मला .
विस्कटलेल्या आयुष्याला
स्वप्नांची ठिगळं लावतेस
सजवून जातेस असं काहीं ....!
निळ्याभोर आकाशालाही
वाटत राहतं ....
चंद्रचांदण्यांच्या जागी
स्वप्नांची ठिगळं
शोभून दिसतील .....!!

" समिधा "